من الاحتفال بفوز المنتخب الوطني المغربي اقل من 20 الى حزن وسط العائلة ديالو ..

“أيوب” شاب في مقتبل العمر يلاه كمل 17 سنة ولد ظريف ومتخلق ، أيوب ليلة مبارة النهائي كان باغي يتفرج في المبارة في المقهى ولكن الاب ديالو ماخلاهش قالو نتفرجوا انا وياك فدار مجموعين ، المهم تفرجوا المبارة وفرحو بفوز المنتخب الفرحة للي خلات ايوب مايصبرش وقرر يخرج لزنقة يحتافل
مع جميع الناس للي خرجو للشارع بليل ..

وبالفعل سلت من الدار وخرج (تروتينيت) ديالو وداز عند صاحبو  ومشاو لوسط المدينة يحتفلو ..
نشطو وفرحو وفاش كان راجع بحالو راكب “تروتينيت” ديالو فاجأتو سيارة من نوع (كليو) كحلة راكبين فيها 4 اشخاص كانت دايزا في “انتيردي” وبسرعة جنونية صدمـوه وخلاواه طايح فطريق كلو دمــايات وهربو وماوقفوش يعتقوه لو
كانو غير اتصلوا  بالاسعاف كان ممكن يعتقوه ..

أمّ ايوب محـروقة على ولدها، ناس دراوش عندو خوه من ذوي الاحتياجات الخاصه وبّاه  كايشتغل خياط بسيط ايوب كان هو الشمعة للي مضويا عليهم الدار.

الشرطة مزال تتقلب على هاذ المجرمين ،لتسلو لهاذ لود بالموت و ما قدموش ليه يد المساعدة و خلاوه مرمي فالطريق، الله يصبر عائيلتو و الله يبين الحق.